[size=21]بسألك كم سؤال
[size=21]
[b]جاني واحد و
قال : بسأل كم سؤال,,[/b]
[b]وقبل يسأل قلت : أنا ماني خبير ![/b]
[b]قال: جاوب بس , يا ولد الحلال[/b]
[b]وكل كلمه حِطَّهَا ..
فبيتٍ صغير[/b]
[b]قال
نبدي : شنهو تعريف المُحال..؟[/b]
[b]قلت
:[/b]
[b]خَل
هالكلمهـ[/b]
[b]فـ البيت
الأخيـر ..![/b]
[b]القهــر : إن شفت دمعـات الرجال..[/b]
[b]والوطن : ( إنسان )
.. مِتغيِّر كثير,,[/b]
[b]والطفل : لعبه على شاطـي
الرمال..[/b]
[b]والأمل : إحساس في عين الضرير,,[/b]
[b]الوفا : [ قلبين ]
.. يجمَعهُم حلال..[/b]
[b]والرَجُل : اللـي علـى أهلـه يغير,,[/b]
[b]والرجا : لا قلت :
للواطـي تعال..[/b]
[b]والفشل : مدري .. ولكنـه مرير,,[/b]
[b]والشعر : في
وقتنا .. بدر وطلال..[/b]
[b]زين
وأوَّل : حيـل يعجبنـي جرير ..![/b]
[b]والغلا : إحساس
إلى حَـد الخيال,,[/b]
[b]والعِشِق : لا شفت مَعشُوقِك
تطير..[/b]
[b]والجفا : إعكس مفاهيم / الوصال,,[/b]
[b]والوَصِل : يعنـي
تأكَّـد فيك خير..[/b]
[b]والعقل : تِسْفَـه أقاويـل الجهال,,[/b]
[b]والجهل : إن قلت عن
نفسك كبير..[/b]
[b]والخطر : لا صار ما عندك مجال,,[/b]
[b]والبلا : إن صرت
معدوم الضمير..[/b]
[b]والعجب : لا صرت تسأل منهو قال,,[/b]
[b]والتعب : إن كنت
تِبْحَثْ عن مصير..[/b]
[b]الغنى : بالنفس ما هو راس
مال,,[/b]
[b]والفقر : من كان .. بأعماله فقير..[/b]
[b]يكفي يكفي .. أسئله إنهي الجدال,,[/b]
[b]ويالله علمني عَن .. السِّر الخطير..[/b]
[b]ما أبي تضرب لي في غيرك مثال,,[/b]
[b]قول :
عنِّك وإعتبر سِرِّك في بير..[/b]
[b]جات طعنـه مِن جنوبك
والشمال,,[/b]
[b]يعني وضعِك
بين مِن حُولك خطير..[/b]
[b]صاحبـي وإن ضاقت بعينك
ليال,,[/b]
[b]لك فرشت القلب مفروش الحرير..[/b]
[b]في [ بلاد الحلم ].. ممنوع العقال,,[/b]
[b]والمصيبه الشعب ما أختار
الأمير..[/b]
[b]وما
ألومك .. كان شدِّيت الرحال..[/b]
[b]دام بيتك جرح / وفراشك حصير,,[/b]
[b]و هذا تعريفي إلى كلمة : مُحَال..[/b]
[b]شي ودِّك فيه ولا يمكن يصير ..![/b][/size][/size]